ПАЃАЊЕ
„Беден е оној што паѓа, победен од него, пак, е оној
Којшто и другиот го повлекува со себе“
Св. Јован Лествичник
Остави ме со плач и ридање
да го уништам секое чувство на гнев
оти како со меч рането е срцето мое
со тагата на љубовта Божја
Во умиление нека потече свежата вода
на благочестивите солзи
врз мојата богољубива тага
Не велам: Сочувај ме од пад,
оти и демонот е ангел
кој некогаш паднал
Дарувај ме со богопознание
за да се откажам од сопствената волја,
победувајќи го телото да ја победам
гордоста своја
Малата погибел е непотребна онаму
каде поголема се заканува
Не велам: Не дозволувај да паднам,
оти и кнезот на демоните е
паднат светлоносец
Само молим Ти сја
очисти го моето вештествено битие,
восоврши го преку дејството на калта
Не велам: Поштеди ме од паѓање, Боже,
но друг да не повлечам со мене
во адот.
Наташа Василевска-Трајчевска
