– Биди цар во твоето срце, седнат на возвишениот трон на смирението.
– Во длабочините на плачот се наоѓа утехата.
– Безбожник е смртно битие кое единствено има разум.
– На оној што стекнал љубов му недостигаат пари. Кој вели дека ги има и двете, се залажува себеси.
– Беден е оној што паѓа. А уште победен е оној што со себе го повлекува и другиот, бидејќи ќе ја понесе тежината на гревот и на тој другиот.
– Оној што очајува, всушност се самоубива.
– Како што лебот е потребен повеќе од секоја друга храна, така и сеќавањето на смртта е попотребно од било кој друг подвиг.
– Кроткоста е неподвижна состојба на душата која не се менува ниту ако трпи понижување, ниту ако слуша пофалби.
– Почеток на гневот е кога устата е тивка, а срцето е возбудено. Средината е кога мислата молчи при тивкото вознемирување на душата, а врвот е кога мирот е непоколеблив и покрај тоа што дуваат нечисти ветрови.
– Бесот е израз на притаена омраза.
– Срдитиот човек е доброволен падавичар, кому епилепсијата му преминува во навика.
– Оној што го победил гневот, го уништил злопамтењето. Бидејќи, сè додека таткото е жив, дотогаш и децата се раѓаат.
– Малкумина можат да ја сопрат водата без брана. А уште помалку се оние кои можат да ја скротат невоздржливата уста.
– Биди му господар на твојот стомак, пред тој да завладее над тебе.
– Гордоста е крајната беда на душата, која во своето помрачување мисли дека е богата.
– Пијанството е причина за сопнување, а гордоста е причина за недостојни помисли. И макар оној што се сопнал да не е виновен за самосопнувањето, сепак за пијанството секако ќе биде казнет.
– Праведната душа е другар на смирението, а лукавата роб на гордоста.
– Оној кој во себе се смирил, не може да биде ограбен од својата уста. Она што го нема во ризницата, не може да се изнесе пред портата.
– Милоста Божја им се покажува на оние што Му служат, а утехата им се дава на оние кои Го љубат.
– Во часот на смртта сме должни да покажеме дела, а не зборови.
– Љубовта е поголема од молитвата. Молитвата е делумна доблест, а љубовта е сеопфатна добродетел.
– Не може сите да станат бестрасни, но можно е сите да бидат спасени и помирени со Бога.
– Опиените со вино, често се трезнат со вода. Опиените од страсти, се трезнат со солзи.
– Блудниците може да бидат излечени од луѓе, расипаните од ангели, а горделивите само од Бога.
– Видливата гордост ја лечат тажни околности, а невидливата Оној Кој отсекогаш е невидлив.
– Како што облаците го прикриваат сонцето, така и злите мисли го затемнуваат и погубуваат разумот.
– Опасно е да се влегува во длабочините на Божјиот суд. Љубопитните пловат на бродот на гордоста.
– Сластољубивиот си штети само на себеси и можеби на уште еден свој другар во телесните задоволства, а гневниот е како волк кој го вознемирува целото стадо.